Rebaixan de 35 a 18 anos a pena solicitada para o autor confeso do crime machista de Marín
Por Natalia Puga
O xuízo con xurado que se segue na Sección Segunda da Audiencia Provincial de Pontevedra contra Miguel Sanmartín Argibay por presuntamente matar e violar a súa noiva en decembro de 2013 entrou na súa recta final. Concluída a fase de probas e declaracións, queda pendente que o tribunal se sente a deliberar ata alcanzar un veredicto, pero non será ata este xoves. Unha vez que se encerren para determinar a culpablidad ou non do procesado, encontraranse cun escenario non previsible o incio do xuízo hai tan só tres días. A Fiscalía, a acucasión particular e a defensa puxéronse de acordo e as tres partes solicitan que o acusado sexa condenado a 18 anos de prisión como autor dun homicidio e unha agresión sexual.
O fiscal e a acusación particular, que exerce a Xunta de Galicia, pedían inicialmente que Miguel Sanmartín fose condenado a 35 anos de prisión polos delitos de asasinato e agresión sexual, pero, tras tres días de declaracións e informes e probas periciais, decidiron modificar a súa formulación inicial. Ademais de 18 anos de prisón, piden que sexa condenado a oito anos de liberdade vixiada e 20 anos de exilio de Marín e indemnice con 60.000 euros o irmán da falecida.
O fiscal xa non ve que o procesado cometese un asasinato, senón un homicicio. A diferenza radica, segundo explicou, en que a vítima, Isabel Pérez Fraga "sí tuvo capacidad de defensa". Unha vez que a vítima pode defenderse, a cualificación do delito cambia e, neste caso, o fiscal considera que as lesións que presentaba o procesado cando foi detido evidencian que a falecida "pudo defenderse. De todos os xeitos, recoñece que si hai que ter en cuernta a circunstancia modificativa da responsabilidade criminal de abuso de superioridade, pois "la capacidad de Isabel no estaba anulada, pero estaba mermada".
Á hora de cambiar a súa acusación, o fiscal tivo en conta que o procesado confesou os feitos e recoñeceu todo, unha actitude que considera "poco frecuente" en delitos tan graves como este. Ademais, á hora de dirixirse ao xurado para explicarlle a súa nova petición, explicou que eles teñen que actuar con frialidad e sen ter en conta as súas ideas preconcibidas sobre estas situacións, pois, se o fixesen, a xustiza non sería xustiza, senón "venganza rastrera".
O fiscal ve tamén a agravante de parentesco porque o acusado e a súa vítima eran parella sentimental no momento dos feitos, pero, ao mesmo tempo, contempla tamén que o procesado, tal e como el explicou durante a súa declaración no xuízo, estaba bébedo cando cometeu os delitos. A embriaguez puiden considerarse unha circunstancia atenuante da responsabilidade criminal.
A defensa do acusado, que empezou o xuízo pedindo que Miguel Sanmartín fose condenado a dous anos de cárcere como autor dun delito de homicidio por imprudencia e sen recoñecer a agresión sexual, sorprendeu coa súa nova postura. Decidiu adherirse á petición da Fiscalía e a acusación e pideó ao xurado que emita un veredicto de culpabilidade nos mesmos termos ca eles. Insistiu, iso si, en que "todo foi polo alcohol".
Relacionadas:
-
Condenan a 18 anos de prisión a Miguel Sanmartín de matar e agredir sexualmente a Isabel Pérez
Por Oskar Viéitez |
-
Controvertido veredicto de culpabilidade no crime de Marín: "Gracias por ayudar a un asesino"
Por Natalia Puga & Mónica Patxot |
-
Destacan a crueldade do crime de Marín: "Es imposible contar los golpes, hay muchos y violentos"
Por Natalia Puga & Mónica Patxot |
-
"Si realmente es culpable, que le caiga la máxima pena posible"
Por Natalia Puga & Mónica Patxot |
-
Admite que matou e violou a súa moza en Marín, pero alega que o fixo bébedo
Por Natalia Puga & Mónica Patxot |
-
Un xurado popular xulgará este mes ao suposto asasino e violador de Isabel Pérez
Por Oskar Viéitez |