Os artilleiros da Brilat, sen rival na Tui-Santiago
Por Natalia Puga
O Grupo de Artillaría da Brilat demostrou que este ano non tiña rival posible no concurso de patrullas Tui-Santiago que organiza a Brigada de Infantaría Lixeira Aerotransportable dende hai 14 anos con motivo do seu aniversario. Os artilleiros foron os primeiros en cubrir os 120 quilómetros que separan Tui de Santiago e chegar á praza do Obradoiro, pero, ademais, foron os que mellor resultado global conseguiron nas sete probas de habilidade que se realiza ao longo do percorrido.
Os artilleiros chegaron á praza do Obradoiro pasada as seis da madrugada deste xoves, 22 horas e 10 minutos despois de saír de Tui, pero o tempo real de percorrido foi de 19 horas e media, unha vez restadas as dúas horas de descanso obrigatorio e o tempo que estivo neutralizada para realizar as distintas probas.
Os seis patrulleiros recibiron este venres o trofeo por converterse en gañadores da proba do propio xeneral da Brilat, Luis Cebrián Carbonell. Foi o trancurso dun acto na praza do Obradoiro no que tamén foi recoñecido o papel xogado na proba pola patrulla que quedou segunda na clasificación final, o Batallón de Zapadores da Brilat.
O xeneral Cebrián, que estivo acompañado polo alcalde de Santiago, Agustín Hernández, agradeceu a todos os militares a súa participación e competitividade na proba e fixo unha mención especial á patrulla do UUSS Army, o Exército Regular de Estados Unidos, que este ano se desprazou dende Italia para participar na proba.
Relacionadas:
-
O concurso Tui-Santiago da Brilat reunirá 21 patrullas de España e Portugal
Por Natalia Puga |
-
O concurso Tui-Santiago da Brilat avanza cara á súa internacionalización con catro patrullas estranxeiras
Por Natalia Puga |
-
E menos de 24 horas despois... a Catedral dálles a benvida
Por Natalia Puga |
-
De Tui a Santiago a fume de carozo
Por Natalia Puga & Cristina Saiz |
-
25 patrullas de 15 unidades militares de España e USA percorrerán o Camiño de Santiago
Por Natalia Puga & Cristina Saiz |