Arredor de 2.000 escolares gozan co galego no 'Correlingua'
Por Mónica Patxot & Anxo Lourido
Ata preto de 2.000 nenos de vinte centros escolares encheron durante a mañá deste 15 de maio as rúas do centro histórico de Pontevedra con motivo da celebración de Correlingua, a carreira popular na que se reivindica a utilización da lingua galega.
Nenos dos centros educativos de Pontevedra: CEIP San Martiño, CEIP Plurilingüe Froebel, CEIP Manuel Vidal Portela, CEP Marcos da Portela, CEE Príncipe Felipe, CEP Campolongo, CEIP Príncipe Felipe, CEIP A Xunqueira 2, CEIP Parada-Campañó e IES Frei Martín Sarmiento. Ademais de estos centros de ensino tamén participaron outros da contorna: CEIP plurilingüe, Rosalía de Castro de Carril, CEI Campelo Afundación, CEIP Isidora Riestra, CEIP plurilingüe de Chancelas, IES de Poio, CEIP Espedregada-Raxó de Poio, CPI de Ponte Cesures, CPI Afonso VII de Caldas, CEIP Enrique Barreiro Piñeiro de Cambados e IES de Cotobade.
A carreira finalizou cunha festa final na Praza da Ferrería conducida polo cantante Xurxo Souto, de Os Diplomáticos de Monte Alto, e coa actuación musical do grupo Bocinazo que fixo versións de distintos temas, entre eles, 'O Ritmo do Garaxe' de Loquillo que, a pesar de cambiarlle a letra a lingua galega, o retrouso se mantiña, curiosamente, en castelán: "porque yo tengo una banda de rock and roll". Os nenos saltaron e bailaron durante esta festa, que contou con animación de música, malabares e o dragón de Art Monium. Todos os participantes recibirán un lote de libros doados por librarías e editoras de Pontevedra.
Esta proposta de carácter lúdico-educativo busca que os mozos participen nun acto público para reivindicar o dereito a crecer en galego e desenvólvese en 12 bisbarras galegas e comezaron o 4 de maio en Compostela e finalizan o 15 de maio en Pontevedra.
Relacionadas:
-
Correlingua recupera as carreiras na rúa "polo dereito que temos a vivir na nosa propia lingua"
Por Natalia Puga & Mónica Patxot |
-
Aprazan ata o 18 de maio o Correlingua de Pontevedra polo mal tempo
Por Redacción |
-
O berro unánime de 2.000 escolares: "O galego está en nós. Vivámolo!"
Por Mónica Patxot & Natalia Puga |
-
Un rap infantil para lembrar que "Se perdemos a fala, non seremos ninguén!"
Por Mónica Patxot & Anxo Lourido |
-
Chega ao Parlamento a reivindicación das obras incompletas do Froebel
Por Oskar Viéitez |