Chega ao Parlamento a reivindicación das obras incompletas do Froebel
Por Oskar Viéitez
A deputada socialista Patricia Vilán levou ao Parlamento a paralización das obras do CEIP Froebel de Pontevedra, que levan dous anos paralizadas e a medio rematar. Vilán presentou unha proposición non de lei para pedirlle á Xunta que habilite unha partida do orzamento de 2015 para rematar antes do verán coas obras comprometidas no centro.
Vilán lembra que a Consellería de Educación ten comprometido, dende o ano 2011, un investimento de 1,8 millóns de euros para a reforma integral do colexio, que debería estar rematada en 2013. Das tres fases previstas, só foi rematada a primeira e parte da segunda, deixando o investimento en apenas 800.000 euros, menos da metade do total previsto, acumulando un importante retraso e serias dúbidas sobre o seu remate.
Advirte que, de acordo co xefe territorial de Educación, as obras realizadas na segunda fase, unha “chapuza” de carpintería, cambio de fiestras e armarios, previstas para o verán de 2014, vense adiadas ata 2016, e as obras da terceira fase “non se sabe cando se farán”.
Por este motivo a deputada socialista quere que o PP vote no Parlamento para pedirlle á Xunta que habilite unha partida nos orzamentos deste mes o ano e que remate as obras antes da finalización do curso escolar.
Engade que “en defecto do anterior, que toda a obra estea contida no orzamento de 2016 para que as obras prometidas no CEIP Froebel de Pontevedra sexan rematadas no mes de maio de 2016.
Relacionadas:
-
Os pais do Froebel e Educación achegan posturas a tres días do inicio do curso
Por Redacción |
-
Tensión ante a sede da Xunta polo atraso das obras do Froebel
Por Oskar Viéitez & Diego Espiño | Creada e actualizada
-
Arredor de 2.000 escolares gozan co galego no 'Correlingua'
Por Mónica Patxot & Anxo Lourido |
-
Educación replica aos pais que hai outras prioridades antes que arranxar o Froebel
Por Oskar Viéitez |
-
A ANPA do Colexio Froebel alerta dos riscos que presentan as instalacións para os escolares
Por Redacción |