Recuperen os paraugas! As chuvias serán as protagonistas da fin de semana
Por Redacción
Durante estes últimos días da semana, as temperaturas sufriron unha importante baixada situándose entorno aos vinte graos. Os ceos presentarán alternancia de nubes e claros en xeral durante a xornada deste venres 12. Os ventos soprarán do sudoeste, entre frouxos e moderados, tendendo a aumentar en intensidade durante a tarde.
As baixas presións permanecerán durante o sábado. Os ventos continuarán sendo do sudoeste achegando o aire frío e húmido procedente do Atlántico, segundo informa o servizo de MeteoGalicia. Desta forma, os ceos continuarán anubrados con probabilidades de chuvias durante toda a xornada. As temperaturas manteranse en torno aos vinte graos.
Ao longo do domingo, as previsións sitúan a borrasca sobre as Rías Baixas con chuvias. Os ceos presentarán unha alternancia de fases de ceos moi anubrados con outros con nubes e claros.
Durante a próxima semana, comezará a influencia anticiclónica con posibilidades dalgunha precipitación nos primeiros días pero cunha importante suba de temperaturas a medida que avance a semana situándose por enriba dos 25 graos.