Un veciño de Marín recibe sete facturas de Gas Natural nun só día, unha delas de 104.000 euros
Por Oskar Viéitez
Un veciño de Marín recibiu nun mesmo día sete facturas da empresa Gas Natural polos servizos da luz e do gas, unha delas ascende a máis de 104.000 euros. Obviamente trátase dun erro, pero a Miguel Ángel, que é como se chama este veciño, non lle dan explicación algunha dende a compañía subministradora.
O colmo é que esto xa lle pasara antes, foi hai dous anos cando esta mesma empresa lle quixo cobrar dúas facturas de 800 euros. Naquela ocasión, Miguel Ángel presentara unha denuncia na Oficina de Consumo e esta sancionou a Gas Natural con 10.000 euros. Pero o ocorrido esta semana supera aquela anécdota.
Miguel Ángel explicou que cando recolleu ás facturas na caixa do correo da súa vivenda alucinou tras comprobar que non era o prezo fixo de 155 euros que pagan cada mes, senon que neste caso, e dunha soa tacada viñan sete recibos unificados da luz e do gas con distintas cantidades, e un deles supera os 104.000 euros.
Miguel Ángel asegura que cando solucionen o problema se darán de baixa na empresa.