O 65% dos turistas de Bueu son de fóra de Galicia
Por Redacción
O Morrazo é un dos destinos turísticos predilectos da nosa comunidade, debido ás súas praias e ao bo clima, caso da vila de Bueu cuxas estatísticas de turismo desde a súa apertura o 26 de xuño son moi positivas.
Segundo as estatísticas achegadas pola oficina de turismo neste mes (ao que se lle suma a Semana Santa), o 65% dos visitantes buenenses son españois non galegos (en concreto, 1467 persoas), o 24% galegos e o 11 % estranxeiros.
Por idades, a maior franxa de 35 a 60 anos, cun total de 1.147 persoas, e por sexo, o 52% son mulleres.
As estatísticas tamén recollen os usuarios que coñecen o municipio (848) e os que o descoñecen (1.416).
Do total dos 2.264 visitantes, o 26 % hospedouse en hotel, o 22% en alugueiro e un 17% en apartamento. Tamén pasaron turistas de paso, en domicilio particular, de turismo rural, residentes, de camping, e hostal, albergue e outros.