A Autoridade Portuaria colabora na formación de mariñeiros profesionais
Por Redacción
A Autoridade Portuaria autorizou á empresa MPS, especializada en formación en seguridade, a realización no porto de prácticas para o curso de loita contra incendios e supervivencia no mar.
Este curso é necesario para obter o certificado de Formación Básica en Seguridade do Instituto Social da Mariña de Bueu.
Desta maneira, o porto de Marín colabora na formación de futuros mariñeiros profesionais.
Desde o luns e durante tres días, 20 alumnos e 3 docentes participan nestas prácticas que se desenvolven na dársena de reparacións.