Pontevedra reúne a máis de cen especialistas das Unidades de Dor e Coidados Paliativos
Por Redacción
Máis de cen expertos de Galicia, Asturias e Castilla-León participan este sábado en Pontevedra nas XX Xornadas da Sociedade Galega de Dor e Coidados Paliativos, que organiza a Unidade de Tratamento da Dor do servizo de Anestesioloxía e Reanimación do Complexo Hospitalario Universitario de Pontevedra.
Esta edición das xornadas, que terá lugar no Sexto Edificio do Museo de Pontevedra, estará adicada a analizar o abordaxe terapéutico do ombreiro doloroso e as técnicas máis punteiras para o seu tratamento nas Unidades de Dor.
Ao longo da xornada analizarase a problemática actual do ombreiro doloroso, as posibilidades de tratamento médico e cirúrxico, os criterios de derivación á Unidade de Dor e as técnicas de tratamento con ecografía e radiofrecuencia, entre outros temas.
Participarán como ponentes especialistas en Anestesioloxía, Traumatoloxía e Rehabilitación dos Complexos Hospitalarios Universitarios de Pontevedra, Santiago, Lugo, Ourense e Vigo, do Hospital La Paz de Madrid, do Hospital de Burgos e do Hospital Bellvitge de Barcelona.