Pilar Rojo será a número tres do PP ao Congreso dos Deputados
Por Redacción
A presidenta do Parlamento galego, Pilar Rojo, ocupará o posto número tres por Pontevedra na lista do Partido Popular ao Congreso dos Deputados.
Serán por tanto tres mulleres as que encabecen a lista en Pontevedra, Ana Pastor, o número dous ocuparao Irene Garrido e como tres, Pilar Rojo. Como número catro figura José Silvestre Balseiros, alcalde de Cerdedo.
O Partido Popular fixo público nun comunicado este nomeamento que aínda ten que ser oficializado co resto das candidaturas.
Respecto ao senado, o partido contará co ex alcalde de Lalín, José Crespo seguido por Miguel Fidalgo e Marta Lucio, directora do Museo do Mar de Vigo.