Manuel Almenar, novo presidente da Asociación Profesional da Maxistratura
Por Redacción
O ex presidente da Audiencia Provincial de Pontevedra e ex vocal do Consello Xeral do Poder Xudicial (CGPJ), Manuel Almenar, foi elixido este xoves presidente da Asociación Profesional da Maxistratura (APM) durante o XXII congreso que se desenvolve estes días en Logroño.
Aires de cambio na asociación conservadora de xuíces. Almenar é un maxistrado novo, de prestixio, e que ditou sentenzas innovadoras ao anular cláusulas abusivas bancarias, como as cláusulas solo. Foi vogal do CGPJ desde 2008 a 2013
Esta asociación é a maioritaria na carreira xudicial, xa que representa a 1.400 xuíces dos 5.000 en activo que exercen nos xulgados e tribunais.
Almenar saíu elixido presidente para os próximos dous anos por 107 votos a favor, fronte aos 78 que obtivo o actual presidente, Pablo Llarena, que se presentaba á reelección.
Manuel Almenar ocupa na actualidade o posto de presidente da sección primeira, especializada en Mercantil, da Audiencia Provincial de Pontevedra.