Trasladado un home por mor dun lume provocado pola cheminea da súa vivenda en Vilagarcía
Por Redacción
Os efectivos de Protección Civil de Vilargacía de Arousa trasladaron ao Hospital do Salnés a un home que resultou afectado tras inhalar CO2 nun incendio orixinado na súa vivenda.
Así o explicaron os efectivos de emerxencias no punto, que indicaron, ademais, que o lume comezara na cheminea e provocara que o faiado ardera por completo e que a parte superior da vivenda se vise afectada na súa totalidade.
O suceso aconteceu no lugar de Vilaxoán, na parroquia vilagarciá de San Martiño de Sobrán, pasados uns minutos das 19:30 horas da tarde do venres.
Tras recibir a alerta dun particular, o persoal do 112 Galicia púxoo en coñecemento dos Bombeiros do Salnés e de Ribadumia, do grupo de emerxencias municipal, de Protección Civil de Vilagarcía e da Policía Nacional e Local.