Edugal abre as súas portas como unha "mostra de oportunidades" para os mozos galegos
Por Diego Espiño
O quinto Salón de Oferta de Educación e Formación de Galicia (Edugal) abriu este mércores as súas portas no Recinto Feiral de Pontevedra para mostrar diferentes opcións formativas e saídas laborais aos mozos galegos.
O presidente da Asociación de Empresarios de Mediana e Pequena Empresa de Pontevedra (Aempe), José María Corujo, explicou na inauguración do salón que o evento se presenta coa "renovada esperanza de achegar ese punto de inflexión entre o mundo da educación, da formación e o mundo do traballo".
"É unha mostra de oportunidades, todos os asistentes deben espremer este días ao máximo" completou a concelleira de Promoción Económica, Anabel Gulías, no seu discurso.
Edugal presenta un intenso programa de actividades e obradoiros ata o vindeiro venres 19 de febreiro.
En total instaláronse no Recinto Feiral 40 stands, polos que pasarán alumnos dos centros educativos de Pontevedra e comarca.