Dous intoxicados por fume no incendio dun taller en Vilalonga
Por Oskar Viéitez
O Centro de Atención ás Emerxencias CAE 112 informou dun incendio nas instalacións de Talleres Maika na parroquia de Vilalonga en Sanxenxo.
Foi un particular quen alertou, ás 8.45 horas, que o deshumidificador do taller mecánico estaba a arder.
Resultaron feridos unha muller P.A.T., de 52 anos; e J.C.R.B., un home de 53 que resultaron afectados por inhalación de fume, presentando síntomas de asfixia.
Foron asistidos polos servizos médicos que os trasladaron en ambulancia a un centro sanitario.
Ademais do 061 ata o lugar do suceso acudiron os bombeiros do Salnés, o Servizo Municipal de Emerxencias de Sanxenxo e a Garda Civil.
Ao tratarse dun incendio nunha instalación industrial tamén se notificou o suceso a Medio Ambiente.