O PP pide ao Concello "escoitar máis e impoñer menos" e insiste na necesidade dunha proba de tráfico en Barcelos
Por Redacción
O portavoz do Partido Popular de Pontevedra, Jacobo Moreira, solicitou este sábado ao goberno local mediante un comunicado que "escoite e respecte a todos os veciños" con respecto á reforma da praza de Barcelos.
Moreira insiste na necesidade de realizar "unha simple proba que permita determinar se os cambios serían factibles ou non para o tráfico rodado" antes de proceder coa reforma.
Asegura que "en ningún momento houbo oposición" por parte dos veciños, senón que lle piden simplemente ao Concello "consenso e diálogo".
"Chega un momento que as escusas que veñen empregando os nacionalistas non son suficientes e deberían optar por escoitar máis e impoñer menos", sinala o dirixente popular ante unha maneira de proceder que define como "imposición por decreto".
As restricións de tráfico en Barcelos pola súa reordenación comezarán o vindeiro martes 22 de marzo.
Relacionadas:
-
A comunidade escolar de Barcelos fai novas achegas para a reforma da praza
Por Redacción & Mónica Patxot |
-
Barcelos comeza a cambiar
Por Alejandro Espiño & Mónica Patxot |
-
Bará continuará coas obras peonís en Barcelos malia a recollida de sinaturas en contra
Por Redacción |
-
Inician unha recollida de sinaturas para pedir "más diálogo" no proxecto de reordenación do tráfico en Barcelos
Por Natalia Puga & Mónica Patxot |
-
A circulación cambia na praza de Barcelos a partir do martes de Semana Santa
Por Redacción |