A reforma laboral provocou un incremento do 15% de desempregados en Pontevedra
Por Redacción
A reforma laboral para a secretaría comarcal de UGT está a facer moito dano no emprego de Pontevedra. Segundo este sindicato, durante o últimos catro anos Galicia conta con 72.000 ocupados menos e Pontevedra 22.800, Galicia sitúase en 65.000 activos menos mentres que Pontevedra alcanza a cifra de 24.000. Desta forma, segundo os datos que manexa esta central, en Galicia creceu en máis dun 10%. Unha cifra que se eleva na capital da provincia cun 15%.
En UGT entenden que a reforma laboral creceu un novo status de pobreza para os traballadores e sitúa ao límite da exclusión aos desempregados. Ademais, Ramón Vidal, secretario comarcal de UGT, afirma que a temporalidade tampouco se viu reducida situándose por encima do 27,6% en Pontevedra.
Os peores datos do desemprego rexistráronse en plena aplicación da reforma laboral, segundo o sindicato, cunha taxa en Pontevedra do 25,8%.
Os contratos temporais de menos dunha semana foron 22.632, un 37,2% de todos os contratos asinados. De cada 10 contratos, catro foron de menos dunha semana. Un dato preocupante para Vidal.
En Pontevedra, as persoas sen emprego perciben unha media de 789,9 euros ao mes, 35,4 euros menos que en 2011 e as 48.534 que non reciben prestación supoñen o 53,1%, un 20,3 máis que no 2011.
Esta situación tamén afecta á negociación de convenios nas empresas. Mentres a Inspección Tributaria sinala na súa memoria de 2015 que a facturación das empresas de Pontevedra atópase a niveis similares á de 2009 mentres que en decembro de 2015 só se negociaron 64 convenios que afectaron a 61.935 traballadores.
Relacionadas:
-
O paro baixa en abril en 124 personas na cidade en Pontevedra
Por Redacción |
-
Un convenio para romper con la pobreza hereditaria
Por Oskar Viéitez & Mónica Patxot |
-
UGT e CC.OO. esixen no Primeiro de Maio un plan de choque para crear emprego digno
Por Mónica Patxot & Anxo Lourido |
-
UGT e CC.OO. lembrarán o Primeiro de maio que é necesario traballo con dereitos
Por Mónica Patxot & Anxo Lourido |
-
Marzo pechou con 1.841 parados menos na provincia
Por Redacción |