VÍDEO.- "Flashmobilizándose" para atraer visitantes ao CITA
Por Mónica Patxot
A praza da Peregrina converteuse nunha pista de baile para deixar constancia da celebración do Día Internacional dos Museos. O Centro de Formación Profesional Carlos Oroza e o profesorado e estudantes de Turismo e Hostalería acompañados polo IES Vale Inclán dedicaron a mañá deste mércores para chamar a atención dos peóns que se pasaban pola céntrica praza a través dun baile coreografiado.
O obxectivo era que se achegasen polo Centro de Interpretación das Torres Arcebispais (CITA) que establece unha xornada de portas abertas con horario ininterrompido desde as 11.00 ata as 21.00 horas.
Con panos e globos desenvolveuse esta actividade repetida ao longo da mañá. Todo finalizou coa degustación dunha torta conmemorativa elaborada polos estudantes do Carlos Oroza.
A programación con motivo do Día Internacional dos Museos complétase, desde o sábado 14 ata o venres 20 de maio, coa posta en marcha da proxección da obra Ecos de recordos olvidados de Sheila Broullón Dávila, graduada en Belas Artes e que cursa o Máster en Libro Ilustrado e Animación Audioviusal.
Dúas actividades máis culminarán a semana. Estudantes do IES A Xunqueira I da materia de historia percorrerán o CITA a través dunha visita guiada polo profesor da Escola Superior de Conservación e Restauración, Fernando Carrera. Os actos finalizarán coa actuación de varios grupos de cámara do Conservatorio de Música Manuel Quiroga o venres 20 a partir das 20.00 horas.
Relacionadas:
-
Portas abertas e música do Dúo Fírveda para celebrar o Día dos Museos no CITA
Por Redacción |
-
Os populares propoñen integrar o CITA no Museo de Pontevedra
Por Alejandro Espiño |
-
Teatro, museo e Castelao, combinación perfecta para a noite do sábado
Por Diego Torrado |
-
Dez cadros de Castelao cobrarán vida durante a 'Noite dos Museos'
Por Redacción |
-
Concertos, baile na rúa, visitas de noite e unha torta para celebrar co CITA o día dos museos
Por Oskar Viéitez & Mónica Patxot |