Comezan os traballos de limpeza nas beiras do río Pintillón en Sanxenxo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Unha empresa especializada, contratada por Augas de Galicia, comezou os traballos de roza do río do Pintillón, coñecido tamén como Rego de Dorrón.
Segundo informa o Concello de Sanxenxo, a acumulación de maleza xeraba nos días de choiva inundacións nas leiras lindeiras ocasionando danos aos seus propietarios. Esta actuación está a levarse a cabo na parte final da canle deste rio que discorre polo municipio de Sanxenxo.
Desta forma están a realizarse traballos nos que só se está eliminando a vexetación que impide o fluír natural do río. Esta actuación súmase a outras xestionadas pola concellería de Medio Ambiente, que dirixe Coral González-Haba, permitindo a limpeza e acondicionamento dun tramo de 1.200 metros do río Besada. Un espazo que foi ampliado e que serviu para recuperar unha senda peonil paralela ao río para goce dos veciños.