En Sanxenxo, o verán vívese practicando deporte
Por Redacción
O verán vívese en Sanxenxo practicando deporte. Durante a primeira quincena de agosto, un total de 60 nenos participaron na primeira quenda do campamento polideportivo 'Vive o Deporte' e este luns empezaron outros tantos para a segunda quenda desta iniciativa dirixida a alumnos de primeiro curso de Educación Primaria a cuarto curso de ESO.
Segundo informou o Concello de Sanxenxo a través dun comunicado, os participantes na primeira quenda despedíronse das actividades na praia de Baltar tras recoller o seu diploma e despois de dúas semanas en tivéronas a oportunidade de practicar ata nove modalidades deportivas englobadas nas áreas de medio acuático, como salvamento deportivo, piragüismo e natación; actividades no medio natural; e deporte na praia como fútbol, balonmán, xogos, rugby e voley.
Os 60 nenos que se incorporaron este luns terán ata o próximo 29 de xullo para gozar das diferentes disciplinas deportivas que se imparten neste campus.
Desde a Concellería de Deportes informan tamén de que aínda quedan prazas pendentes para a última quenda desta actividade, o correspondente á primeira quincena de agosto. Por tanto, os que estean interesados en participar poden inscribirse no Pazo Emilia Pardo Bazán, en Sanxenxo, onde poden recoller a instancia de solicitude e o impreso de autorización familiar a presentar xunto co cartón sanitario, fotocopia do DNI ou do libro de familia e, de ser o caso, fotocopia do libro de familia numerosa. O prezo do campus é de 30 euros.