Máis de 100 persoas percorren o espazo natural das Salinas do Ulló
Por Redacción
As salinas e marismas de Vilaboa contan cun dos poucos exemplos de muíño de mareas de Galicia, un espazo que este domingo foi mostrado a máis de 100 persoas que formaron parte da camiñada dentro do ciclo Monumenta da Consellería de Cultura que se desenvolveu no espazo natural das Salinas do Ulló.
Os monitores Alejandro Costa e Francisco Alonso acompañaban aos camiñantes para explicarlles durante o percorrido a función que desempeñaban os restos arqueolóxicos nesta contorna. Esta actividade permitiu coñecer aos asistentes as ruínas da Granxa das Salinas, edificio de finais do século XIX e principios do XX, utilizado pola servidume e os terratenientes, e que dispoñía de diversas dependencias para a manipulación do sal e doutros produtos.
O percorrido estivo amenizado coa música de Treme durante os descansos, o que permitiu aos asistentes disfurtar de fermosas melodías mentres observaban o espectáculo das paraxes.