O Concello pon a venda tres locais comerciais que ten na rúa Serra
Por Oskar Viéitez
A Xunta de Goberno local deste luns aprobou o expediente para allear mediante compravenda tres locais comerciais de propiedade municipal que hai na rúa Serra. Trátase dos baixos situados nos números 1 e 3 da rúa, un deles con acceso tamén pola praza de Valentín García Escudero.
A venda farase mediante procedemento aberto e forma de poxa pública á alza e terán preferencias os alugueiros actuais, segundo explicou a portavoz do goberno local, Carme da Silva.
Os locais que sairán a poxa pública miden algo máis de 89, 42 e 62 metros cadrados, sendo o máis pequeno o que ten dous accesos.
Os prezos de saída foron fixados nas seguintes cantidades: 81.744,32 euros, 38.474,58 e 50.699,60 respectivamente.