Localizan á moza desaparecida en Mourente: "Nos ha dicho que volverá a casa", di a familia
Por Alejandro Espiño
Judit Jiménez xa foi localizada. A familia da moza pontevedresa de 21 anos, cuxa desaparición foi denunciada ante a Policía Nacional o pasado martes, confirmou que puideron falar con ela por teléfono.
Así o explicou a nai da moza, Ausencia Jiménez. "Hemos hablado con ella y está bien", di aínda emocionada. Agora a familia espera que o home co que se fuxiu, veciño de Ourense e de etnia xitana como ela, "me la entregue lo más pronto posible porque está enferma y no sabe lo que hace".
A muller explicou que o home, ao que a moza se refire como "su marido", comprometeuse a levala casa nas próximas horas e asegura estar "muy arrepentido".
Segundo lembrou, a Judit botárona en falta este martes sobre as dez da mañá porque tardaba en volver á súa casa da Bouza, na parroquia pontevedresa de Mourente, despois de saír a tirar o lixo a un colector próximo.
A súa nai asegura que "vimos que tardaba y que no volvía" e tampouco respondía á chamada dos seus familiares. Buscárona polas inmediacións, pero sen éxito. Foi entón cando empezaron a preocuparse porque a moza "tiene una minusvalía intelectual del 89%" e a súa mentalidade é a dunha "niña pequeña".
"Ella lo único que hace jugar con animales y con una nieta que tengo de cuatro años", destacou Ausencia Jiménez, que engade que "nunca había salido de casa" e que a moza "no sabe leer ni escribir", o que fai que "no tenga el sentido de una persona mayor".
Despois de tentalo en varias ocasións, Judit colleu o teléfono e confirmoulle á súa irmá maior que estaba "con su novio". Esta pediulle falar con el e o home aseguroulles que "estaban lejos", aínda que sen especificar onde e despois de pedirlle que "nos la trajera de vuelta" colgou o teléfono e apagou o dispositivo.
Ausencia Jiménez sostén que para a familia esta desaparición "es como un secuestro, porque se ha llevado a una persona enferma" e lembrou que a moza non levou ningún obxecto persoal con ela.
"La niña aunque quisiera irse con él, él tenía que haberle dicho que no, que se fuera para su casa", lamentou a muller, que explicou que o seu marido desprazouse a Ourense para tratar de localizar ao home que estaba coa súa filla e foi alí onde lle confirmaron que fuxiran xuntos pero que "no sabían dónde estaban".
A Policía Nacional manterá activo o protocolo para dar co paradoiro da moza, a pesar de que se puxo en contacto coa familia, e tratarana como unha persoa desaparecida ata que regrese definitivamente ao seu domicilio.
Relacionadas:
-
Denuncian ante a Policía Nacional a desaparición dunha moza de Mourente
Por Redacción | Creada e actualizada