Jacobo Moreira critica a "cerrazón" de Carmela Silva co Pazo de Lourizán
Por Redacción
O portavoz municipal do Partido Popular en Pontevedra, Jacobo Moreira, acusou este sábado a través dun comunicado á presidenta provincial, Carmela Silva, de manter unha "actitude ditatorial" ao pretender "excluír a Ence da reunión para falar sobre o investimento de 5 millóns de euros que a empresa quere realizar no Pazo de Lourizán".
"Estamos aquí para escoitar a todos, máxima cando a proposta é beneficiosa para toda a cidade", sinalou Moreira en relación á proposta lanzada pola Xunta e recollida pola pasteira de rehabilitar o Pazo e crear alí un centro de I+D forestal.
Para Carmela Silva, segundo sinañou recentemente, a presenza da empresa no encontro institucional "non ten sentido" porque "non teñen nada que ver" co Pazo de Lourizán, cuxa titularidade é da Deputación e que está cedido á Xunta de Galicia.
Esta postura é a que levou a Jacobo Moreira a sinalar que "Carmela Silva debería deixar a un lado o seu interese partidista e valorar a oportunidade que se lle está brindando a todos os pontevedreses. Coa súa cerrazón demostra que os veciños de Pontevedra e de Lourizán non lle importan", indicou.
Relacionadas:
-
A Deputación acusa a Rueda de "boicotear" a xuntanza sobre o Pazo de Lourizán
Por Oskar Viéitez |
-
A Deputación non poñerá problemas á Xunta para que ceda a Ence o Pazo de Lourizán
Por Oskar Viéitez |
-
Carmela Silva invita a Rueda a unha reunión para falar "sen terceiros" do Pazo de Lourizán
Por Alejandro Espiño |
-
Carmela Silva a ENCE: "Eu non admito invitacións de empresas privadas"
Por Oskar Viéitez |
-
A renuncia de Pontevedra e Poio a participar con Ence no Pacto Ambiental "no perjudicará" a ningún colectivo social
Por Oskar Viéitez & Mónica Patxot |
-
A APDR critica a "complicidade submisa do goberno galego" con ENCE no Pacto Ambiental
Por Natalia Puga |