A Organización Médica Colexial concede a Diego Murillo a súa medalla de ouro e noméao colexiado de honra
Por Redacción
O xinecólogo residente en Pontevedra, Diego Murillo Carrasco, presidente de A.M.A., logrou a condecoración da medalla de ouro outorgada pola asemblea xeral da organización Médica Colexial de España (OMC), que tomou esta decisión de forma unánime.
Trátase da máis alta distinción concedida pola OMC, que representa ao conxunto da profesión médica en España. Esta distinción leva aparellado o seu nomeamento como colexiado de honra nacional da OMC.
O premio foi aprobado por unanimidade na asemblea da OMC do pasado sábado 3 de decembro. A cerimonia de entrega desenvolverase nas próximas semanas.
Estas disticións son outorgadas entre aqueles membros da corporación colexial que se distinguiron no panorama sanitario nacional. Diego Murillo ocupa a presidencia de A.M.A., a Mutua dos Profesionais Sanitarios, desde hai máis de 20 anos. Ademais, foi presidente do Colexio de Médicos de Pontevedra e fundador en 1973 do Sanatorio de La Merced.
A asemblea xeral da OMC está integrada por todos os presidentes dos colexios oficiais de médicos, polos membros da comisión permanente, polos representantes nacionais das seccións colexiais e polos representantes da universidade, das sociedades científicas e doutras entidades médicas.
Relacionadas:
-
Diego Murillo deixa a presidencia de A.M.A., tras máis de 20 anos no cargo
Por Redacción |
-
Diego Murillo recibe a medalla de ouro da Organización Médica Colegial
Por Redacción |
-
A.M.A. sitúa o seu seguro de automóbil como o segundo mellor valorado do sector
Por Noticia patrocinada |
-
Diego Murillo recibe as máximas distincións dos médicos e farmacéuticos coruñeses
Por Redacción |
-
Diego Murillo recibe a Medalla do Consello Xeral de Colexios Oficiais de Farmacéuticos
Por Redacción |