Diego Murillo recibe as máximas distincións dos médicos e farmacéuticos coruñeses
Por Redacción
Os Colexios Oficiais de Médicos e Farmacéuticos da Coruña renderon unha emotiva homenaxe ao médico pontevedrés e presidente da aseguradora dos profesionais sanitarios A.M.A. Diego Murillo. Este venres impuxéronlle as súas Medallas de Ouro e Brillantes, máximas distincións colexiais.
Os galardóns teñen como finalidade recoñecer a Diego Murillo pola axuda e apoio que a súa mutua e el prestaron aos distintos colexios sanitarios españois, incluídos os coruñeses. Foron entregadas polos respectivos presidentes do Colexio de Médicos, Luciano Vidán Martínez, e Farmacéuticos, Rosa María Lendoiro Otero.
A imposición das Medallas tivo lugar nun solemne acto celebrado no Pazo de Congresos da Coruña, nun auditorio con máis de 600 asistentes e coa presenza do presidente da Xunta de Galicia, Alberto Núñez Feijóo; a ministra de Fomento, Ana Pastor; e do presidente do Consello de Estado, José Manuel Romay Beccaría, entre outras moitas personalidades políticas, sanitarias e colexiais.
Diego Murillo agradeceu os premios en nome de A.M.A., "una entidad de seguros constituida por la solidaridad, la ayuda y la confianza, dirigida por profesionales sanitarios y la única en nuestro país especializada en asegurar a los profesionales del sector sanitario". "Por eso estamos sensibilizados y totalmente implicados con las necesidades de los Colegios, Consejos e Instituciones sanitarias", engadiu.
Feijóo indicou que "la Sanidad es el aspecto más difícil de la gestión pública, y junto a la Educación conforman las auténticas claves del espíritu europeo" e eloxiou de Diego Murillo "lo que ha hecho por la Sanidad, especialmente desde el punto de vista de la gestión".
"Ha sido buen médico, buen emprendedor, buen gestor, buen académico y buen asesor", resumiu o presidente da Xunta, mentres que Ana Pastor trasladou o seu parabén ao doutor Murillo, por "este homenaje que viene de los tuyos, de tu tierra y que es sentido y querido por todos".
A ministra considerou que o presidente de A.M.A. "reúne valía personal, prestigio profesional y trayectoria larga y fructífera como político, gestor y personalidad del mundo sanitario. Muchos dirían que A.M.A. ha sido un milagro; yo digo que detrás de un milagro siempre hay talento y trabajo, talento y trabajo".
José Manuel Romay Beccaría glosou a figura de Diego Murillo e a súa ascendencia galega e recordou que o seu éxito excede do médico e xinecólogo e "abarca otras muchas actividades, siempre con los mismos tres ingredientes: traballo, traballo y traballo".