Melloran o vial que conecta Cuntis con Valga e coa Estrada
Por Redacción
Cun orzamento que se achega aos 150.000 euros están a acometerse durante estes días as obras de mellora do viario que une os concellos de Cuntis con Martores en Valga e con Requián na Estrada.
Este proxecto pretende mellorar a infraestrutura viaria e reparar as deficiencias detectadas para mellorar a circulación e, desta forma, o rendemento agrícola, gandeiro e silvícola da zona.
Trátase de reparacións no firme de dous camiños que suman 4,350 quilómetros e 22.000 metros cadrados de superficie. Nestas obras, que financia a Consellería do Medio Rural a través da empresa Tragsa, realízase a roza e a limpeza do camiño ademais de afrontar un triplo tratamento asfáltico.
O alcalde de Cuntis, Manuel Campos, acudiu ata o lugar para ver o desenvolvemento destes traballos que foran demandados polos veciños desde hai moitos anos.