O PP lamenta o "tempo perdido" en Ponte Sampaio pola "desidia" do goberno local
Por Redacción
O portavoz do grupo municipal do Partido Popular, Jacobo Moreira, acompañou este mércores á xefa territorial de Costas, Cristina Paz-Curbera, á reunión que mantivo co presidente do club de fútbol Unión Sampaio e o presidente da asociación de veciños Héroes de Ponte Sampaio. Alí, o edil popular lamentou os "catro anos perdidos" pola "desidia do goberno local".
Hai uns días o grupo socialista presentou unha proposta para que o goberno local asuma a mellora integral do campo de fútbol pero os populares lembran que "os problemas destes veciños podían terse solucionados dende o ano 2013", cando a formación que encabeza Jacobo Moreira presentou outra moción instando ao goberno local, daquela conformado polo BNG e o PSOE, a iniciar os trámites para a desafectación do recinto deportivo e da praza da Xunqueira. Devandita moción que foi rexeitada por nacionalistas e socialistas.
"Hai catro anos, o BNG dicía que o campo de fútbol na súa actual localización non podía estar, agora din que si. Un cambio de criterio que traducimos como unha tomadura de pelo e unha perda de tempo", destacou o portavoz dos populares quen lembra que "a mellora do campo de fútbol é xa unha vella reivindicación veciñal que o BNG esqueceu no tempo".
Lembran que no momento no que o goberno local solicitase a desafectación dos terreos, xa se podía levar a cabo unha actuación provisional para mellorar o lamentable estado do campo de fútbol, pero "perdéronse catro anos, e os únicos prexudicados das idas e vindas de BNG e PSOE son os veciños de Ponte Sampaio", manifestou Jacobo Moreira.
O portavoz popular insiste, "o campo de fútbol precisa unha mellora urxente. O BNG non pode seguir mareando aos veciños", sentenciou.
Relacionadas:
-
Heroes de Ponte Sampaio pide ao Concello que compre as leiras situadas fronte ao colexio da parroquia
Por Redacción |
-
Actuación de "urxencia" en Ponte Sampaio, á espera do novo campo de fútbol
Por Alejandro Espiño |
-
Os deteriorados vestiarios do campo de Ponte Sampaio serán renovados
Por Alejandro Espiño |
-
O fútbol base de Ponte Sampaio pide "clemencia" ante o lamentable estado de abandono dos seus vestiarios
Por Redacción |