A fin de semana 'pinta' animada no San Patricio
Por Redacción & Diego Torrado
O Mareantes Rugby Club inaugurou este mércores a carpa instalada na Praza de España para a sétima edición da Festa de San Patricio, que organiza co obxectivo de recadar fondos para a entidade.
Moitos foron os que se animaron xa desde o primeiro día a disfruatar da cervexa, comida, música e bo ambiente que ofrece o festival galaico-irlandés, consolidado xa no calendario de eventos da cidade.
Parten coa idea de superar as 20.000 persoas que visitaron a carpa hai un ano, con máis de 5.000 litros de cervexa vendidos, e para iso contan con varios días de celebración, xa que a festa permanecerá aberta ata o domingo en horario de 12:00 a 0:00 horas.
Durante todos estes días os asistentes poderán gozar de incentivos gastronómicos como a tapa elaborada polo cociñeiro Pepe Solla para a ocasión ou un pulpeiro, ademais da música en directo dos grupos Trepia, Operación Guateque, Nightfall, Raúl Cabeleiro, Octupus, Desconcerto e Cantos de Taberna.