Os rapaces na escola andan a voltas coa compostaxe
Por Redacción
O colexio Valle Inclán do Grove é un dos 16 centros escolares da provincia que nas últimas semas está "A voltas coa compostaxe". Este título dun dos obradoiros da Deputación resume o traballo feito no centro educativo, onde os nenos participaron en diferentes actividades coa fin de aprender como xestionar o lixo orgánico de xeito ambientalmente sostible.
Co obradoiro "Quen vive aí?" os pequenos descubriron a "vida interior" que hai nos composteiros identificando os invertebrados que participan activamente no proceso para obter o compost: coñeceron os distintos tipos de bichos colléndoos eles mesmos e observándoos con material de aumento.
O alumnado do colexio tamén participará o vindeiro venres mes nunha visita ao centro de compostaxe comunitario que a Deputación ten instalado no Concello do Grove, onde verán de primeira man o que xa descubriron nas aulas.
Será a culminación do traballo sobre compostaxe realizado no centro dende o mes de febreiro. Primeiro os profesores participaron nunha xornada de formación para docentes e despois, grazas aos monitores do CEIDA, os nenos tiraron proveito das actividades denominadas "Xogos sobre residuos", "Poñendo en marcha o composteiro" ou "A voltas coa compostaxe" dirixidos diferentes idades.
A intención destes obradoiros, que a Deputación realiza ao abeiro do Plan Revitaliza, é concienciar ao alumnado da problemática dos residuos, acadar un cambio de actitudes e responsabilidade na separación do lixo orgánico doméstico, obter un compromiso persoal ante a redución dese lixo e co uso dos composteiros e informar sobre a importancia da compostaxe como alternativa necesaria, ao ser máis económica e ecolóxica que os tratamentos actuais.
Relacionadas:
-
Os máis pequenos tamén fan compostaxe
Por Sara López Lago & Mónica Patxot |
-
Preto de 200 rapaces participarán en Pontevedra nun congreso de educación ambiental sobre compostaxe
Por Redacción |
-
De maior quero ser… mestre composteiro!
Por Redacción |
-
Os veciños reciben os primeiros froitos dos composteiros de Caldas
Por Redacción |
-
O BNG critica que Moraña rexeite os composteiros da Deputación e solicite os de Sogama
Por Oskar Viéitez |
-
Os escolares de Verducido, Noalla e As Bizocas achéganse á compostaxe
Por Redacción |
-
'Quen vive aí?' 300 escolares de Vilaboa coñecen como facer compost
Por Redacción |
-
Pontevedra acollerá un congreso escolar sobre compostaxe
Por Oskar Viéitez |