De maior quero ser… mestre composteiro!
Por Redacción
Arredor dun cento de nenos e nenas de 3º, 4º e 6º de Educación Primaria do CEIP A Pedra visitaron este xoves o composteiro sito nos Xardíns de Urbano Lugrís, onde os recibiu o mestre composteiro encargado deste servizo de reciclaxe orgánica posto en marcha desde a Deputación de Pontevedra.
Nas visitas, os alumnos tiveron a oportunidade de coñecer de primeira man como funciona este método, no que actualmente están participando sesenta veciños.
Os nenos tamén se encargaron de peneirar a materia final para facer o abono e foron agasallados cunha bolsa de compost e cun diploma de "mestre composteiriño".
Este acto forma parte da campaña do Plan Revitaliza no que están a participar escolares de toda a provincia.
Este xoves pola tarde, tamén en Bueu, repartiuse compost entre os usuarios que actualmente veñen utilizando este composteiro.
Ademais, deuse información sobre o novo que vai comezar a funcionar proximamente na rúa Xosé María Estévez.
Relacionadas:
-
Preto de 200 rapaces participarán en Pontevedra nun congreso de educación ambiental sobre compostaxe
Por Redacción |
-
De visita escolar a… un composteiro
Por Redacción |
-
Un total de 164 persoas aspiran a traballar como funcionarias no plan provincial de compostaxe
Por Redacción |
-
Os rapaces na escola andan a voltas coa compostaxe
Por Redacción |
-
Os escolares de Verducido, Noalla e As Bizocas achéganse á compostaxe
Por Redacción |