Luz verde ás instalacións do club de piragüismo de Vilaboa
Por Oskar Viéitez
A Deputación e o Concello de Vilaboa pecharon o acordo para afrontar a esperada rehabilitación do Club de Piragüismo.
Ambas as administracións cofinanciarán as obras despois de que o Concello se vira obrigado a reformular o proxecto previsto nun principio pola decisión da Xunta de Galicia de non cumprir co seu compromiso económico con estas instalacións, cunha colaboración de 238.955,79 euros.
O Concello, ante a imposibilidade de facerse cargo desa contía, decidiu modificar o proxecto inicial e sustituilo por outro cun orzamento de 179.904 euros.
Esta modificación, acordada entre o goberno provincial e o Concello o pasado 17 de marzo, será referendada este venres pola Xunta de Goberno, manténdose a axuda da Deputación de 150.000 euros e comprometéndose o Concello de Vilaboa a achegar o importe restante de 29.904 euros.
Relacionadas:
-
A Deputación adxudica 150.000 euros á esperada remodelación do Club de Piragüismo de Paredes
Por Redacción |
-
A Deputación pon en marcha un plan para compensar os concellos prexudicados na etapa de Louzán
Por Oskar Viéitez & Mónica Patxot |
-
Desvelan que Louzán non deixou "nin un euro" para atender o compromiso co Club de Piragüismo de Vilaboa
Por Redacción |