AEMPE e o Colexio Oficial de Graduados Sociais asinan un protocolo de colaboración
Por Redacción
A Asociación de Empresarios da Mediana e Pequena Empresa de Pontevedra (AEMPE) asinou un convenio de colaboración co Colexio Oficial de Graduados Sociais para establecer colaboracións entre ambas as entidades. Desta forma, está previsto que se desenvolvan cursos, conferencias e xornadas utilizando a sede social de AEMPE en Virxe do Camiño.
Todas estas actividades irán dirixidas tanto aos colexiados como aos empresarios e como fin buscarán orientar e informar no coñecemento das normativas no ámbito socio-laboral, seguridade social, prevención de riscos laborais, entre outras problemáticas.
A vixencia deste convenio será de dous anos, renovables por períodos iguais.