Para En Marea o ocorrido en Sanxenxo "era un golpe de estado" participado por Feijóo e Rueda
Por Oskar Viéitez
O voceiro parlamentario de En Marea, Luís Villares, explicou este martes en Sanxenxo a posición da súa formación política frente ao "golpe de estado" que, ao seu xuízo, o PP está xestando na localidade para que Telmo Martín volva ser alcalde deste concello. A "automoción de censura" de SAL, o que ata agora era o grupo de goberno é "un caso único no mundo" e exemplifica "o xeito en que goberna o PP en todos os sitios".
Villares compareceu nunha rolda de prensa na vila turística xunto a María José Rodríguez, Samuel Castro e Marcos Cal.
Segundo Luís Villares esta operación para colocar de novo a Telmo Martín como alcalde "era un golpe de estado no que participaban de xeito claro Alberto Núñez Feijóo e Alfonso Rueda".
Villares sinalou que "só coa connivencia da Xunta de Galicia" pode Telmo Martín "prometer obras que son de financiación autonómica".
Neste sentido o voceiro de En Marea preguntou si a Xunta financia as obras "en función da cor política dos seus alcaldes" e si o Executivo galego estaba "esperando ao cambio de alcalde" para atender as necesidades da cidadanía de Sanxenxo.
O voceiro de En Marea apuntou que "a única rexeneración" para o Partido Popular "é que os seus dirixentes vaian entrando nos cárceres", sentenciou.
Para En Marea o resultado deste cambio no goberno municipal suporá "máis corrupción en Sanxenxo e volver aos pelotazos urbanísticos doutra época", segundo dixo Samuel Castro quen lembrou que son "moitas as denuncias nas que se viu implicado o que será novo alcalde".
Neste senso, para o deputado de En Marea Marcos Cal "a biografía de Telmo Martín explica cales son as súas motivacións para estar na política", remachou.
Relacionadas:
-
VIDEO.- Celebran a volta de Telmo Martín como alcalde de Sanxenxo con vítores de "vivan los novios"
Por Oskar Viéitez |
-
VÍDEO.- Gonzalo Pita deixa a Alcaldía entre reproches e protestas, pero con brinde final
Por Natalia Puga & Mónica Patxot |
-
Pita cualifica de "foco radical" aos militantes do seu partido contrarios ao pacto co PP
Por Oskar Viéitez |
-
Pontón pide a Feijóo que pare o "pelotazo á democracia" coa "moción de censura encuberta" en Sanxenxo
Por Oskar Viéitez |
-
Telmo Martín: "Con este pacto estase a corrixir un erro que cometeu o PP no 2011"
Por Oskar Viéitez |