Marín xa presume de bandeiras azuis
Por Redacción
As catro bandeiras azuis que logrou Marín para as súas praias xa ondean nos areais de Mogor, Portocelo, Aguete e O Santo. Os socorristas foron os encargados de colocar estes distintivos, que garanten a calidade das praias e dos seus servizos.
Neste sentido, desde o goberno municipal aseguran que as praias se atopan en óptimo estado de limpeza e contan xa con todos os servizos.
Así, están balizadas, os quioscos xa están en funcionamento e os socorristas, entre outros, comezaron a traballar.
A contratación do persoal de vixilancia, en todo caso, completarase a próxima semana. Haberá 20 socorristas, tres patróns e un coordinador, pendentes entre as 12.00 e as 20.00 horas da atención aos usuarios.
Aínda que esta semana xa empezaron a traballar, o mal tempo non permitiu a asistencia de público, axudando a que estes profesionais se adaptaran mellor ao arranque da tempada.
Relacionadas:
-
Os socorristas de Marín atenderon varios golpes de calor durante este domingo
Por Redacción |
-
Izadas as bandeiras azuis e preparados os socorristas, empeza a tempada de praias
Por Oskar Viéitez |
-
Marín ponse ao choio para arrombar as súas praias de cara o verán
Por Redacción |
-
Ponte Caldelas, Marín e Bueu contan con praias sen fume
Por Redacción |
-
Marín contratará 24 persoas para vixiar as súas praias no verán
Por Redacción |