Alertan do perigo de caída ante a presenza de peras maduras na rúa Daniel de la Sota
Por Redacción
Veciños da contorna da rúa Daniel da Sota mostraron a súa preocupación ante a presenza de peras maduras no chan desta contorna procedente das árbores froiteiras plantadas no centro da cidade.
Sinalan que pisar accidentalmente un destes froitos pode provocar unha mala caída de numerosos viandantes que percorren esta céntrica contorna, nas proximidades do Hotel Rías Bajas.
Reclaman unha maior limpeza da zona para evitar esvarar, sobre todo, no caso de persoas de avanzada idade que non se decaten da presenza destas froitas nas beirarrúas.