O PP esixe ao goberno de Fernández Lores que fixe prazos para o parque infantil de Médico Ballina
Por Redacción
O grupo municipal do Partido Popular esixe ao goberno de Fernández Lores que concrete os prazos para executar o parque infantil de Médico Ballina. César Abal, concelleiro desta formación, sinala que os veciños están cansos de promesas que nunca chegan a materializarse e alude a que este proxecto foi anunciado en tres ocasiones.
Por este motivo, os populares piden que presenten o proxecto íntegro para toda esta zona como prometeron os nacionalistas xa a finais de 2015. Abal entende que o BNG de Lores busca escusas para non formalizar os seus compromisos pero o proxecto do parque infantil de Médico Ballina aínda non saíu dos servizos técnicos, apunta.
Desde o PP indícase que a cesión dos terreos por parte de Adif xa se logrou en marzo de 2016 para que se puidese acometer o proxecto. "O BNG de Lores mente constantemente aos veciños. Este parque formaba parte dos 7 millóns de euros en investimentos que os nacionalistas deixaron sen executar o pasado ano e non ten xustificación algunha", afirman.
César Abal considera estraño que a presidenta da Asociación de Veciños, que traballa na Alcaldía, non esixa o cumprimento desta promesa ao grupo de goberno.
Relacionadas:
-
Os populares urxen o parque infantil de Médico Ballina prometido
Por Oskar Viéitez |
-
Veciños de Médico Ballina saen á rúa: "Nos hemos hartado de que nos humillen y nos engañen"
Por Natalia Puga |
-
Reclaman a reforma de Médico Ballina ante o mal estado das beirarrúas
Por Redacción |
-
Fartos de agardar por un parque infantil en Médico Ballina
Por Anxo Lourido |
-
O parque infantil de Médico Ballina, pendente dun trámite do ADIF
Por Redacción |