As obras de asfaltado da PO-531 chegan ao Vao
Por Oskar Viéitez
Os traballos de mellora da estrada PO-531 que une Pontevedra e Vilagarcía chegaron ao polígono comercial do Vao.
Durante as últimas semanas a Consellería de Infraestruturas está a renovar o asfaltado de boa parte deste transitado viario o que provoca algunhas retencións e pequenos desvíos no tráfico.
Dende hai anos a Consellería de Infraestruturas ten prevista a ampliación da capacidade desta estrada, habilitando catro carrís entre as rotondas de Campañó, que enlaza cara á variante de Poio, e San Caetano, punto de arranque da PO-225, o viario que une a estrada de Vilagarcía coa de Santiago e saída da futura variante de Alba que a Xunta planea con catro carrís.
Estes plans de ampliar a catro carrís o primeiro tramo de tres quilómetros entre Pontevedra e a rotonda de Alba foran anunciados no ano 2009 polo entón conselleiro Agustín Hernández e hai uns meses a actual conselleira Ethel Vázquez defendeu este deseño ante o alcalde Fernández Lores.
Relacionadas:
-
Sae a información pública a mellora de seguridade na estrada PO-531, na Devesa
Por Redacción |
-
A mellora da PO-531 comeza no acceso ao polígono de Sequeiros
Por Redacción |
-
A Xunta acometerá no verán a mellora do firme das estradas na comarca
Por Oskar Viéitez |
-
Infraestruturas confirma que se ultiman os trámites para iniciar os traballos na Variante de Alba
Por Redacción |