Os afectados das preferentes de Pontevedra, Marín e O Salnés non farán 'escrache'
Por Natalia Puga
A decisión de colectivos sociais como a Plataforma de Afectados pola Hipoteca (PAH) de facer 'escrache' e perseguir a poderes políticos para facerlle chegar as súas demandas e protestas está a estenderse aos afectados pola comercialización de participacións preferentes e subordinadas de distintos puntos de Galicia. Plataformas do sur de Pontevedra anunciaron que practicarán esta modalidade de reivindicación, pero os grupos máis próximos á capital rexeitan, polo momento, secundala.
As voceiras das plataformas de Marín-Pontevedra e O Salnés, Rosana Prado e Rosana Balboa, confirmaron este xoves que continuarán coas súas protestas ata conseguir que todos os afectados recuperen os seus aforros, pero que non se unirán á moda do 'escrache'. "Respetamos las decisiones de otros compañeros de otras plataformas y los apoyamos, pero nosotros no lo haremos, seguiremos como hasta ahora", explica a voceira do Salnés. Engade que "no son más culpables de lo que está pasando los de este Gobierno que los gobernantes anteriores, pero estos están ahora en el poder y tienen en sus manos la solución, por eso las protestas se centran en ellos".
A súa homóloga de Pontevedra, Rosana Prado, anunciou, de todos os xeitos, que os afectados a capital e de Marín si farán un cambio de rumbo nas súas protestas públicas. Estudan comezar un encerro na Deputación Provincial para facerse oír.
Ata a semana do 15 de abril non tomarán a decisión definitiva. Antes, reuniranse con representantes de Novagalicia Banco e seguirán coas protestas habituais que realizan dende hai xa un ano. Esta semana concentráronse o martes ante as sedes da Subdelegación do Goberno e a Deputación Provincial e dentro dunha semana repetirán. O mesmo pasará coas súas protesta dos xoves. Esta mañá, a cita foi en Marín e esta tarde en Pontevedra e o mesmo ocurrirá o próximo xoves.
"Estamos viendo que las otras plataformas son más guerrilleiras que nosotros y consiguen más arbitrajes por lo que si eso funciona y hay que ser más guerrilleiros lo seremos", indica esta voceira. De aí que se formulen pasar das concentracións o encerro. Todo seguindo a filosofía da plataforma coa que este xoves se concentraron en Marín:"no somos ni de la izquierda ni de la derecha. Somos los de abajo y vamos a por los de arriba".
Primeiro concentráronse ante dúas sucursais de NovaGalicia Banco e, finalmente, trasladáronse ata o Concello onde falaron coa alcaldesa, María Ramallo (PP) e varios membros de Corporación, que lles trasladaron todo o seu apoio.