Nin pinga de auga para as Rías Baixas nas previsións metereolóxicas deste inicio de outubro
Por Redacción
Seguirá sen chover, polo menos ata mediados deste mes de outubro, segundo as previsións do servizo de Meteogalicia. As Rías Baixas continúan baixo a influencia anticiclónica, con ceos pouco nubrados e ventos frouxos, de direción variable. As temperaturas sitúanse entre os 14 graos de mínima e os 27 graos de máxima.
Este mércores 4 manterase a mesma situación, con ceos despexados e as temperaturas máximas sufrirán un lixeiro descenso, situándose sobre os 26 graos. Os ventos continuarán frouxos e de dirección variable.
Para o xoves 5, as altas presións manteranse en Galicia aportando estabilidade, con ceos pouco nubrados ou despexados. As temperaturas continuarán na mesma liña que nos días precedentes, con valores elevados para esta época do ano, sobre todo durante as tardes.
Os ventos do nordés entrarán a partir do venres e continuará a influencia anticiclónica durante toda a fin de semana, con ceos despexados. As temperaturas manteranse ao redor dos 25 graos e comezarán a descender lixeiramente a principios da próxima semana situándose entre os 11 e os 23 graos.