ENCE reduce a súa producción pola seca
Por Oskar Viéitez
A fábrica de Ence en Pontevedra reduce a súa produción para contribuír a mitigar o impacto da seca.
A dirección da fábrica de Lourizán anunciou este sábado a súa decisión de ralentizar o ritmo de produción mentres dure a actual situación climatolóxica, "para contribuír a paliar o impacto da seca que afecta dende hai meses a Pontevedra".
A compañía di ter adoptado esta medida "seguindo a súa política de compromiso coa contorna e o medio ambiente, que constitúe unha das prioridades do seu sistema de xestión".
A redución da produción da fábrica xunto ás medidas de aforro adoptadas por Ence hai semanas permitirá diminuír o seu consumo de auga nun 20%.
Nun comunicado a compañía pasteira asegura que "Ence non malgasta a auga e busca minimizar permanentemente o seu consumo". Para iso, aplica "as mellores prácticas e tecnoloxías dispoñibles, como proba a redución de máis dun 50% no últimos 25 anos".
Ademais, a compañía prevé a instalación dunha nova e avanzada depuradora que permitirá diminuír nun 90% o consumo de auga na produción de celulosa.
Relacionadas:
-
O Concello, a Augas de Galicia: se se actúa sobre ENCE "non habería ningún problema coa seca"
Por Alejandro Espiño |
-
O Lérez sobe o caudal de forma sorprendente e o goberno local culpa a Ence de despilfarrar a auga
Por Redacción |
-
O baixo caudal do Lérez obriga a recorrer ao Pontillón do Castro para subministrar auga á comarca
Por Anxo Lourido |