Cerdedo-Cotobade estrea novo horario do punto limpo
Por Oskar Viéitez
O Concello de Cerdedo-Cotobade vén de adoptar cambios no funcionamento do punto limpo coa estrea dun novo horario para mellorar a atención aos cidadáns e optimizar as instalacións, situadas na estrada EP-7103 na subida a Deán, Castro e Quireza.
As persoas interesadas en depositar residuos neste espazo gratuítamente poderán facelo desde agora os xoves de 16.00 a 18.30 horas e os sábados de 10.00 a 13.00 horas.
Os veciños deben ter seleccionados previamente os seus residuos, respectando as cantidades máximas de entrega ao mes, e acudir provistos do DNI. Para recabar máis información pode acudirse á oficina municipal de Medio Ambiente ou chamar ao teléfono 986 753006.
O proxecto do Concello de Cerdedo-Cotobade "Dalle ao REC" concorre ao certame autonómico de fomento da reciclaxe "Convértete no concello máis recicla-activo", promovido pola Consellería de Medio Ambiente, Ecoembes e Sogama.
A organización pretende premiar con esta iniciativa o desenvolvemento de actividades vencelladas ás chamadas "tres erres": redución, reutilización e reciclaxe de residuos domésticos, e concederá ao municipio gañador un equipamento valorado en 2.500 euros.