A mellora da estrada PO-235 priorizá o treito Antas-Seixido
Por Redacción
A conselleira de Infraestruturas, Ethel Vázquez, confirmaba ao alcalde da Lama, Jorge Canda, que antes de finais de ano licitarase a primeira fase das tres que están previstas nas obras de mellora da estrada PO-235, priorizando o tramo entre Antas e Seixido, na conexión coa provincia de Ourense. O orzamento deste traballo será de 600.000 euros.
O alcalde reuniuse coa conselleira en Santiago para entregarlle as firmas de cesión dos terreos necesarios para afrontar o arranxo do viario e analizar diferentes cuestións desta obra que mellorará a comunicación entre Pontevedra e Ourense.
A conselleira Ethel Vázquez anunciaba que licitará antes de 2018 a primeira fase entre Carballedo e o límite coa provincia de Ourense, ao seu paso pola Lama. Está previsto que se amplíe o pontón sobre o arroio de Xesta, para conseguir un ancho de oito metros e mellorar as curvas actuais, segundo informa o goberno local.
Vai priorizar o tramo entre Antas e Seixido e o alcalde mostrou a súa satisfacción pola cesión de terreos por parte dos veciños para acometer esta obra que considera de envergadura.
Relacionadas:
-
A Xunta adxudica a primeira fase da estrada entre Antas e Seixido
Por Redacción |
-
Os veciños de Antas, convocados a unha reunión para falar da segunda fase das obras da PO-235
Por Redacción |
-
Canda di que quen debe dimitir é Vaqueiro "polas súas continuas mentiras e faltas á verdade"
Por Redacción |
-
A Xunta licita a mellora da estrada entre Antas e Seixido
Por Redacción |
-
A mellora da PO-235 estará licitada antes de final de ano
Por Redacción |
-
A Lama busca que os veciños cedan terreos para ampliar a estrada entre Antas e Seixido
Por Redacción |