O ourizo de mar faise un oco nos menús do Nadal
Por Redacción
A utilización do ourizo de mar na alta cociña, ao natural ou a propio coral en conserva, é cada vez maior o que incrementou a súa demanda e disparou os prezos, algo que saben moi ben os submarinistas das confrarías pontevedresas.
Nesta época do ano na provincia de Pontevedra as confrarías do Grove, A Guarda, Aldán, Baiona, Cangas e Vigo, xunto ás de Bueu, Portonovo e Sanxenxo, teñen autorizados para este ano plans específicos de explotación deste equinodermo.
Segundo os datos ofrecidos pola Consellería do Mar, nos meses de outubro, novembro e decembro do ano pasado en toda Galicia poxáronse 256 toneladas de ourizos por importe de 1,6 millóns de euros.
O prezo máximo alcanzado na lonxa de Bueu foi de 15,50 euros o quilo e de 11,50 euros na rula do Grove.