O Concello rexeita os pasos soterrados para coches e peóns que Fomento propón en Praceres
Por Redacción
O Concello decidiu rexeitar na comisión de infraestruturas por unanimidade dos tres grupos municipais o proxecto presentado polo Ministerio de Fomento para habilitar dous pasos subterráneos para viandantes e coches baixo as vías do tren a Marín á altura de Praceres.
Segundo o concelleiro César Mosquera, rexéitase esa proposta de Fomento e reclámase, amparándose no escrito de alegacións que xa asinou a alcaldía en xullo de 1999, que se modifique o trazado do tren. O concelleiro nacionalista indicou que "isto é unha actuación que está mal e a xustiza debe ter un espíritu para mellorar as cousas e non para empeoralas".
Pola súa parte, o voceiro na comisión do PP, Ricardo Aguilar, indicou que o servizo ferroviario é necesario e preciso pero "la solución planteada por Fomento no nos gusta". Os populares sinalaron que o Porto necesita a vía férrea e que "es necesario buscar alternativas y si no hay otra queremos que quede claro que no nos gusta".
O proxecto de Fomento contempla o paso do tren en superficie pola praza e a creación de dous túneles subterráneos para viandantes e vehículos entre a zona do Cabo e a avenida de Monteiro Ríos
Relacionadas:
-
A Audiencia Nacional impide que Fomento busque unha artimaña legal para manter os pasos a nivel de Praceres
Por Natalia Puga |
-
Os veciños dos Praceres ven "surrealista" o novo proxecto para suprimir os pasos a nivel
Por Natalia Puga |
-
Fomento manterá o tren por Placeres e creará dous pasos subterráneos para peóns e vehículos
Por Alejandro Espiño |