A Garda Civil intervén roupa, calzado e bolsos falsificados valorados en máis de 10.000 euros
Por Redacción
A Garda Civil interveu esta semana máis de medio centenar de pezas deportivas, 28 pares de zapatillas e 23 bolsos de distintas marcas supostamente falsificados que estaban destinadas á comercialización en postos de venda ambulante no municipio de Cerdedo-Cotobade.
As sudaderas, bufandas, chándales, zapatillas e bolsos intervidos eran presuntas falisificaciones de marcas como Tous, Adidas, Nike e Levis, entre outros, e alcanzarían un valor total no mercado superior aos 10.000 euros
A Unidade de Seguridade Cidadá da Compañía de Pontevedra interveu as pezas este xoves 8 de febreiro durante un control selectivo de vehículos á altura do quilómetro 76,400 da estrada N-541, ao seu paso por Cerdedo-Cotobade.
Nun dos vehículos inspeccionados, conducido por un cidadán de nacionalidade senegalesa e residente en Vigo, a Garda Civil atopou estas pezas con etiquetas, supostamente falsificadas, de acreditadas firmas comerciais.
Os gardas comprobaron que o condutor do vehículo carecía da correspondente factura de compra, así como da preceptiva autorización das marcas rexistradas afectadas, de modo que procederon á incautación preventiva da mercadoría.
Ao mesmo tempo, instruíronse dilixencias por un presunto delito contra a propiedade industrial, que, xunto coa roupa aprehendida, serán entregadas no xulgado de garda de Pontevedra.