Cuntis recibe unha subvención para renovar o alumeado público de todos os núcleos rurais do municipio
Por Oskar Viéitez
O Concello de Cuntis vén de recibir a notificación do Instituto para la Diversificación y Ahorro de la Energía (IDAE) pola que se concede unha axuda de máis de 600.000 euros para a renovación do alumeado público de todos os núcleos rurais do municipio.
Cuntis conta con 75 núcleos rurais definidos agrupados en 8 parroquias e 79,8 quilómetros.
O goberno local sinala que esta é unha obra pola que apostou firmemente para revitalizar o rural, sustituindo as lámpadas actuais por outras máis eficientes que reduzan o consumo anual de electricidade que pasaría dos 393,1 MWh que se gastan ao cabo dun ano a unha previsión de 130,3 MWh/ano
Estímase polo tanto nun 66,8% a reducción de consumo de enerxía eléctrica en alumeado.
Nun prazo máximo de tres meses o Concello de Cuntis debe ter iniciada a tramitación do procedemento de contratación dos novos suministros e ter concluída a actuación no prazo dun ano.