Multitudinaria concentración veciñal en Cuntis para esixir unha atención sanitaria digna
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Máis de trescentas persoas concentráronse este mediodía en Cuntis en defensa dunha atención sanitaria digna no centro de saúde da vila.
A resposta cidadá foi importante, a pesar da hora da convocatoria -as 13.00 horas-, e participaron os portavoces de todos os grupos da corporación municipal e tamén o deputado do PSdeG-PSOE no Parlamento galego, Julio Torrado.
O alcalde, Manuel Campos, agradeceu a participación dos veciños nesta concentración e garantiu que a vila seguirá a defender ante Sanidade unha atención de calidade, a pesar de que ata o de agora teña feito "oídos xordos" a esta reivindicación.
A situación, engadiu o alcalde, é xa "insostible" e a atención sanitaria en Cuntis é "moi mala".
Os veciños advertiron que seguirán mobilizándose ata que se escoiten as súas demandas.
Relacionadas:
-
Queixa da corporación cuntiense pola falta de resposta do conselleiro de Sanidade
Por Oskar Viéitez |
-
Cuntis convoca unha concentración para protestar pola "mala asistencia sanitaria" no centro de saúde
Por Oskar Viéitez |
-
O Sergas asegura que a ausencia de médico en Cuntis do luns foi un "caso puntual" de hora e media
Por Redacción | Creada e actualizada
-
O Concello de Cuntis esixe ao Sergas que cubra as baixas médicas do centro de saúde
Por Oskar Viéitez |