O PSOE pide medidas urxentes ante a proliferación de gatos abandonados na cidade
Por Redacción
O grupo municipal do PSOE de Pontevedra presentou unha moción para o seu debate no próximo pleno da Corporación na que insta ao goberno local a tomar a iniciativa na protección animal no municipio en xeral e a adoptar medidas urxentes ante a proliferación de gatos abandonados na cidade.
A concelleira Paloma Castro considera que "a protección animal é moi mellorable no noso concello" e lembra que en xaneiro de 2017 o Pleno aprobou por unanimidade a redacción dunha ordenanza especifica de protección animal da que, 17 meses máis tarde, non se sabe nada.
Na súa opinión, as axudas do concello son insuficientes e a dedicación do goberno a un tema que preocupa a moita xente é moi escasa, pois non basta coa axuda económica para o mantemento da canceira, senón que se necesita unha maior implicación do goberno ante una situacion que día a día vaise facendo mais problemática.
A socialista considera que é especialmente preocupante a situación en relación coa poboación de gatos na cidade, de modo que insta ao goberno local a aprobar con urxencia unha Ordenanza Municipal de Protección e Coidado Animal contando coas aportacions que poidan facer os diferentes grupos políticos e entidades de defensa e protección animal, pero, mentres non estea en vigor, e debido á situación de urxencia creada pola proliferación do número de gatos abandonados, demanda otras medidas.
Así, reclama a realización de campañas fomento da adopción, a colocación de casetas e carteis informativos nas colonias e a elaboración dun protocolo de actuación para a Policía Local para que colabore na loita contra o abandono e saiba como actuar ante as diferentes situacións.
Relacionadas:
-
Os animalistas reclaman datos sobre a redacción da ordenanza de protección animal
Por Redacción |
-
Estas son as primeiras achegas á nova ordenanza de protección animal
Por Oskar Viéitez |
-
O Concello consultará con colectivos animalistas e veterinarios a ordenanza de protección animal
Por Alejandro Espiño |
-
Pontevedra terá nova ordenanza de terrazas e de protección animal
Por Alejandro Espiño |