Doce traballadoras máis de Cuca incorpóranse á nave do Grove e dan por rematadas as gardas
Por Redacción
Dende xaneiro, as traballadoras de Cuca realizaban garda ante a nave de Vilaxoán. Xa non seguirán alí. Cun acto moi emotivo, as operarias abandonaron a vixilancia despois de que a empresa Garavilla chamase outro grupo de 12 traballadoras para que se incorporen á fábrica do Grove. Desta forma, practicamente toda o equipo viuse desprazada á factoría grovense.
Cunha ampla presenza da poboación de Vilaxoán, o acto de despedida volveu ser reivindicativo. As traballadoras agardan que o xulgado do Social dite unha sentenza favorable aos seus intereses e que se demostre que a empresa Garavilla actuou de mala fe cando formulou o expediente de regulación de emprego ao equipo. Non obstante, a dirección da empresa confía en que os tribunais avalen o traslado do persoal por razóns económicas e estratéxicas.
Relacionadas:
-
AGE esixe a Cuca que "repoña as obreiras nos seus postos da factoría de Vilaxoán"
Por Redacción |
-
O regreso de Cuca a Vilaxoán, pendente da resposta da xuíza
Por Redacción |
-
As traballadoras de Cuca agardan que a xuíza declare nulo o ERE
Por Redacción |
-
Reunión infrutuosa entre as traballadoras de Cuca e a dirección de Garavilla
Por Aitana Vidal & Anxo Lourido |