Un furtivo de Poio, interceptado en Portonovo cun cento de quilos de ameixa
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Axentes da Garda Civil incautaron un centenar de quilos de ameixa no interior dun vehículo que foi interceptado o pasado mércores nun control de estrada que se estaba efectuando en Portonovo.
Foi no quilómetro 31 da PO-308, onde se atopaba un punto de verificación de vehículos da unidade de seguridade cidadá da Comandancia de Pontevedra.
Pouco antes das dúas da tarde os axentes deron o alto a un turismo no que viaxaban tres persoas, todas elas con antecedentes por furtivismo.
Ao inspeccionar o vehículo, acharon no seu interior unha báscula e sete sacos que contiñan 100 quilos de ameixa totalmente indocumentada, xa que nin o vehículo reunía as condicións requiridas para o seu transporte nin os ocupantes puideron acreditar a súa legal procedencia.
Todas estas irregularidades de tipo administrativo deron lugar a que a Garda Civil denunciase ao condutor e responsable da mercadoría, veciño de Poio.
Fixérono por tres infraccións á vixente Lei de Pesca de Galicia: unha polo exercicio da actividade extractiva carecendo de licenza, outra por realizar un transporte de produtos procedentes do marisqueo sen a preceptiva documentación e a terceira por cometer unha terceira infracción grave no prazo de dous anos.
Ademais, as ameixas incautadas entregáronse na confraría de pescadores de San Telmo de Pontevedra.
Relacionadas:
-
Oito persoas detidas e 2.000 vieiras incautadas na "Operación Concha"
Por Redacción |
-
A Garda Civil sorprende un mariscador furtivo que faenaba usando unha táboa de surf en Chancelas
Por Redacción |
-
Os gardapescas da confraría San Telmo destacan unha reducción do furtivismo
Por Oskar Viéitez | Creada e actualizada
-
Interceptan en Poio un furtivo reincidente con 20 quilos de ameixa
Por Redacción |
-
Investigan un furtivo pontevedrés por furto e danos intencionados no vehículo da confraría de San Telmo
Por Redacción |
-
Catro coñecidos furtivos, cazados de novo con 80 quilos de ameixa da ría
Por Redacción |